ပြန်ပြောပြပါ

လူသားတွေဟာ အသိဉာဏ်မြင့်မားတဲ့ တီထွင်ဖန်တီးနိုင်စွမ်း မြင့်မားကြတာနဲ့အမျှ နယ်ပယ်အသီးသီးမှာ အချိန်နှင့်အမျှ အမြဲ တိုးတက်ပြောင်းလဲနေပါတယ်။ ကမ္ဘာလောကကြီးနဲ့ ပါတ်ဝန်းကျင်ကို အကျိုးရှိစေတဲ့ တိုးတက်မှုတွေရှိသလို တန်ပြန် ဆိုးကျိုးတွေလည်း ရှိပါတယ်။ လူသားတွေဟာ တီထွင်ကြတယ်။ ဒါကို ပိုမိုကောင်းမွန်တဲ့ ဖန်တီးမှုတွေ ဖြစ်လာဖို့အတွက် အရင်တီထွင်မှုကို ပြန်ဖျက်ဆီးဖို့ကြိုးစားကြတယ်။ ဒီလိုနဲ့ ပိုပိုပြီး နယ်ပယ်အသီးသီးမှာ ဆန်းသစ်တဲ့ ကမ္ဘာလောကကြီးကို မွေးဖွားဖို့ပြင်ဆင်ကြတယ်။ ဒါပေမယ့် လူတွေဟာ နယ်ပယ်အသီးသီး၊ ပညာရပ်အားလုံးကို သိဖို့မဖြစ်နိုင်တော့ပါဘူး။ တခါတရံမှာ အာရုံစူးစိုက်လေ့လာမှုပြုရင်းနဲ့ အာရုံဖြန့်ကျက် သိရှိမှု အားနည်းတတ်ပါတယ်။ တီထွင်ဖန်တီးမှု အသစ်သစ်တွေ ဖြစ်ဖို့အတွက် အာရုံစိုက်ကြိုးစားကြရင်းနဲ့ လေ့လာတဲ့ နယ်ပယ်မှာ ကျွမ်းကျင်လာသလို အခြားနယ်ပယ်တွေမှာ ကျွမ်းဝင်မှု လျော့ပါးလာပါတယ်။ နောက်ဆက်တွဲ အနေနဲ့ မတူညီတဲ့ နယ်ပယ်တွေအကြား ကွဲပြားတဲ့ တွေးခေါ်မှုတွေနဲ့အတူ လွဲမှားတဲ့ အယူကွဲမှုတွေ၊ မတူညီမှုတွေ (Diversity) ဖြစ်လာပါတယ်။

မတူတာ သိပေမယ့်

မတူညီမှုတွေအကြား ညှိနှိုင်းဖို့ဟာ တိုးတက်နေတဲ့ ကမ္ဘာကြီးရဲ့ စိန်ခေါ်မှုပါ။ မိမိကိုယ်ကို ကာကွယ်တတ်တာဟာ လူ့သဘာဝဖြစ်တာနဲ့အညီ မတူညီမှုတွေအကြား ညှိနှိုင်းမှုတွေဟာ အဖြေထွက်ဖို့ ပဟေဠိဆန်နေဆဲပါ။ ဒါဟာ သူနဲ့ကိုယ်နဲ့ကြားက မတူညီမှုကို မသိလို့ထက် သူသိတာကို သူ့လောက်ကိုယ်မသိတာကြောင့် ဖြစ်ပါတယ်။ သူကျင်လည်ခဲ့တဲ့ ပါတ်ဝန်းကျင်၊ သူလေ့လာခဲ့တဲ့ အသိပညာ၊ သူသုံးသပ်တဲ့ အတွေးအခေါ် စတာတွေရဲ့ လွှမ်းမိုးမှုနဲ့ ဖြစ်တည်လာတဲ့ သူ့ရဲ့အယူအဆဟာ ကိုယ်နဲ့ မတူတာ မဆန်းပါဘူး။ သူနဲ့ကိုယ် အယူအဆ မတူတာ သိဖို့လိုပါတယ်။ သိလည်း သိကြပါတယ်။ မသိတာက သူ့အယူအဆ ဖြစ်တည်လာတဲ့ သူနဲ့ သက်ဆိုင်တဲ့ အခြေခံအကြောင်းကိစ္စတွေပါ။ အင်မတန် သေးငယ်တဲ့ အကြောင်းကိစ္စလေးတွေဟာ ကြီးကျယ်ခမ်းနားတဲ့ အဖြစ်အပျက်တွေကို ဖန်တီးပေးနိုင်တယ်လို့ကမ္ဘာကျော် စာရေးဆရာ Malcom Gladwell က သူ့ရဲ့ နာမည်ကျော်စာအုပ်ငါးအုပ်ထဲက တစ်အုပ်ဖြစ်တဲ့ The Tipping Point မှာ ရေးသားထားပါတယ်။ မတူညီမှုတွေအကြား နားလည်မှုရဖို့ဆိုတာဟာ မတူညီတာ သိရုံနဲ့ မရပါဘူး။ သူ့ရဲ့ အယူအဆ ဖြစ်တည်လာရတဲ့ အခြေခံအကြောင်းအချက်တွေကို နားလည်နိုင်ဖို့ လိုပါတယ်။

အတွေးအခေါ်တို့ရဲ့ ဖြစ်တည်ရာ ABC

လူတစ်ယောက်ရဲ့ အတွေးအခေါ်ဟာ အဓိက အချက်သုံးချက်ပေါ်မှာ အခြေခံပါတယ်။ ပထမတချက်က သူ့ရဲ့ ပါတ်ဝန်းကျင် (Association) ပါ။ သူကျင်လည်ခဲ့တဲ့ ပါတ်ဝန်းကျင်ဟာ အတွေးအခေါ်နဲ့ လူ့စွမ်းရည်တို့ကို လွှမ်းမိုးပါတယ်။ ကျောင်းသင်ခန်းစာမှာ ဖော်ပြခဲ့တဲ့ ကျေးညီနောင် ပုံပြင်ထဲကလို မုန်တိုင်းကြောင့် ကွဲကွာသွားတဲ့ ကျေးညီနောင် အကြား ရသေ့ဆီရောက်တဲ့ ကျေးသူငယ်ဟာ ချိုသာသော အသံသာသာရှိပေမယ့် လူဆိုးတွေကြားရောက်သွားတဲ့ ကျေးသူငယ်ကတော့ ခက်ထန်ပါတယ်။ မတူညီမှုရဲ့ ပထမအရင်းခံဖြစ်တဲ့ သူ့ပါတ်ဝန်းကျင်ကို ကိုယ်က သိပြီး နားလည်ပေးမှ ပြေလည်တဲ့ညှိနှိုင်းမှုရနိုင်မှာပါ။ ဒုတိယအချက်ကတော့ သူလေ့လာဖတ်ရှုခဲ့တဲ့ ပညာရပ်တွေပဲ ဖြစ်ပါတယ်။ အလွယ်မှတ်ရရင်တော့ သူဖတ်ရှုခဲ့တဲ့ စာအုပ် (Books) တွေပါပဲ။ စာဖတ်ခြင်းဟာ လူတစ်ဦးရဲ့ အသိဉာဏ်ကို ရင့်သန်စေပါတယ်။ စာအုပ်တွေထဲက အကြောင်းအချက်တွေဟာလည်း ဖတ်ရှုသူရဲ့အတွေးအခေါ်တို့ကို လွှမ်းမိုးထားပါတယ်။ သူဘယ်လို ပညာရပ်တွေ၊ ဘယ်လို စာအုပ်မျိုးတွေ ဖတ်ရှုလေ့လာခဲ့သလဲဆိုတာ ကိုယ်က သိရှိနားလည်ပေးဖို့လိုပါတယ်။ သူ့လို ကျွမ်းကျင်ပိုင်နိုင်မှု မရှိနိုင်ပေမယ့် သူလေ့လာခဲ့တဲ့ ပညာရပ်ပိုင်းဆိုင်ရာတွေရဲ့ အခြေခံသဘောတရားတွေကို သိနားလည်မှသာ သူ့ကိုလည်း နားလည်ပေးနိုင်မှာပါ။ နောက်ဆုံးတစ်ချက်ကတော့ သူ့ရဲ့ ပင်ကိုယ် ခံယူမှုပါပဲ။ လူတွေဟာ ဗီဇနဲ့အတူ ကိုယ်ပိုင်ခံယူမှု (Concept) တွေ မတူကြပါဘူး။ တူညီတဲ့ အကြောင်းကိစ္စတွေကို ချဉ်းကပ်သုံးသပ်ရာမှာတောင် ကွဲပြားတဲ့ အယူအဆကိုယ်စီ ရှိကြပါတယ်။ သူ့ရဲ့ ခံယူမှုနဲ့ ကိုယ့်ခံယူမှု မတူညီတာဟာ သဘာဝပါ။ ဒါကိုလည်း မတူညီမှုတွေအကြား ပြေလည်တဲ့ နားလည်မှုတည်ဆောက်ရာမှာ နားလည်ပေးဖို့လိုပါမယ်။

သူ့အကြောင်းသိချင်တယ်

တက္ကသိုလ်တစ်ခုမှာ ကျောင်းသားတစ်ယောက်က ကောင်မလေးတစ်ယောက်အကြောင်း သူ့သူငယ်ချင်းကို မေးပါတယ်။ သူငယ်ချင်းက ပြန်မဖြေပဲ မေးတဲ့ကျောင်းသားကို အံ့သြတဲ့ အမူအရာနဲ့စိုက်ကြည့်နေခဲ့တယ်။ ရုတ်တရက် အသိတချက် လင်းလက်ပြီး အိမ်ကို အမြန်ပြေး၊ ကွန်ပြူတာကို ဖွင့်ကာ Website တစ်ခု ဖန်တီးရာကနေ ဟားဗက်ဘ် တက္ကသိုလ်မှာ အချင်းချင်းချိတ်ဆက်နိုင်မယ့် ကျောင်းတွင်းကွန်ယက်တစ်ခု ပေါ်ပေါက်လာပါတယ်။ ဒီလိုနဲ့ပဲ လက်ရှိ ကမ္ဘာပေါ်မှာ လူဦးရေ ၁.၅ ဘီလီယံကျော် သုံးစွဲနေတဲ့ လူမှုကွန်ယက်ဖြစ်တဲ့ Facebook စတင်မွေးဖွားဖြစ်တည်ခဲ့တဲ့ TheFacebook ပေါ်ပေါက်လာပါတယ်။ လူတစ်ဦးနဲ့ တစ်ဦးချိတ်ဆက်မှုဟာ ပိုမိုကောင်းမွန်တဲ့ကမ္ဘာကြီးကို ဖန်တီးရာမှာ အရေးပါပါတယ်။ (၁၉၂၉) ခုနှစ်မှာ Frigyes Karinthy ကစတင်ဖော်ထုတ်ခဲ့ပြီး John Guare ဆိုသူကြောင့် လူသိများခဲ့တဲ့ အဆင့်ခြောက်ဆင့် (Six Degree of Separation) သီအိုရီအရ မိမိနဲ့ လုံးဝမသိတဲ့ အခြားသူတစ်ဦးအကြား သူငယ်ချင်း ခြောက်ဆင့် အတွင်းမှာပဲ ရှိပါတယ်။ တနည်းအားခြင့် မိမိသူငယ်ချင်းရဲ့ သူငယ်ချင်း၊ နောက်ထပ် သူငယ်ချင်းရဲ့ သူငယ်ချင်း စသဖြင့် ချိတ်ဆက်ရင် ခြောက်ဆင့်ထက် မပိုပါဘူး။ ဒီနေ့ခေတ်မှာ လူတစ်ဦးအကြောင်းသိချင်ရင် လူမှုကွန်ယက်မှာ အလွယ်တကူ ရှာနိုင်ပါတယ်။ သူ့ရဲ့ အယူအဆ၊ အတွေးအခေါ်တွေနဲ့ ဖြစ်တည်ရာ အကြောင်းအချက်အလက်တွေကို လေ့လာနိုင်ပါတယ်။ ပြေလည်တဲ့ ညှိနှိုင်းမှုတွေအတွက် လိုအပ်ချက်တွေကို ရှာဖွေနိုင်ပါတယ်။

အတွေ့အကြုံမှ သီအိုရီသို့

လူတွေဟာ မိမိသမိုင်းကို မိမိဖန်တီးကြတာပါ။ လူတို့လျှောက်လှမ်းကြီးပြင်းရာ ခရီးလမ်းတွေမှာ အမှတ်တရ အဖြစ်အပျက်တွေ ရှိပါတယ်။ အောင်မြင်မှုတွေလည်းရှိ ကျရှုံးမူတွေလည်း ရှိပါတယ်။ ကိုယ်ကြုံတွေ့ခဲ့ရသည့် အဖြစ်အပျက်တွေ အောင်မြင်မှုတွေကို အခြားသူများ သိရှိသွားရင်လည်း အကျိုးရှိမှာ ဖြစ်သလို ကိုယ်ကျရှုံးခဲ့တဲ့ အကြောင်းရင်းကို မျှဝေပေးရင်လည်း သင်ခန်းစာတစ်ခု ပါပဲ။ ဒါကြောင့် လူတစ်ယောက်ရဲ့ အတွေ့အကြုံတိုင်းဟာ တနည်းနည်းအားဖြင့် အခြားသူတွေကို အကျိုးပြုနိုင်ပါတယ်။ မျှဝေသူဟာ အဓိပတိ ဂုရုကြီးတစ်ဦးဖြစ်ဖို့မလိုအပ်ပါဘူး။ လျှောက်လှမ်းခဲ့တဲ့ ဖြစ်ပျက်ကြောင်းရာတိုင်းဟာ အခြားသူတွေအတွက် သီအိုရီတစ်ရပ်ပါပဲ။ အောင်မြင်မှုကို တည်ဆောက်တဲ့အခါ အတွေ့အကြုံက မရှိမဖြစ်အရေးပါပါတယ်။ အသိပညာတတ်ဖို့အပြင် အတတ်ပညာပါတတ်ဖို့လိုပါတယ်။ မိမိအတွေ့အကြုံအပြင် အခြားသူတွေရဲ့ အတွေ့အကြုံတွေကိုလည်းလေ့လာဖို့ လိုပါတယ်။ သူနဲ့ကိုယ်နဲ့ မတူညီမှုတွေအကြား ကိုယ့်အတွေ့အကြုံတွေကို မျှဝေပေးခြင်းနဲ့သူ့အတွေ့အကြုံတွေအပေါ် လေ့လာသုံးသပ်နိုင်ဖို့အရေးကြီးပါတယ်။

လွဲနေတဲ့ သုံးစွဲမှု

လူမှုကွန်ယက်သုံးစွဲမှုဟာ အကျိုးသက်ယောက်မှုတွေရှိသလို ဆိုးကျိုးအချို့လည်းရှိပါတယ်။ လူငယ်တွေအကြား လူမှုကွန်ယက်မှာ အချိန်ကုန်နေတာတွေ အများအပြားပါ။ ကောင်းကျိုးဆိုးကျိုး ဒွန်တွဲနေပါတယ်။ ညစ်ညမ်းတဲ့ စကားလုံးတွေနဲ့ တစ်ဦးနဲ့ တစ်ဦးအကြား ထိုးနှက်မှုတွေလည်း လူမှုကွန်ယက်မှာ အများအပြားပါ။ အကြောင်းအရာတစ်ခု ဖြန့်ဝေဖို့ အကောင်းဆုံးနဲ့ အမြန်ဆုံးဖြစ်တဲ့ လူမှုကွန်ယက်ကို မကောင်းတဲ့ ဦးတည်ချက်နဲ့အသုံးပြုသူတွေလည်း ရှိပါတယ်။ လူမှုကွန်ယက်သုံးတဲ့အခါ အမှားအမှန်ကို သုံးသပ်နိုင်ဖို့ အရေးကြီးပါတယ်။ မိမိရဲ့ လူမှုကွန်ယက်ပေါ်က အပြောအဆို၊ အပြုအမူတွေဟာ မိမိရဲ့ ကိုယ်ကျင့်တရားနဲ့ စိတ်နေစိတ်ထား၊ အတွေးအခေါ်တွေပါပဲ။ ကောင်းမွန်တဲ့ ဦးတည်ချက်နဲ့ သုံးစွဲရင်တော့ အကျိုးရှိပါတယ်။ ကိုယ့်ရဲ့ ရွေးချယ်မှုဟာ ကိုယ့်ဆုံးဖြတ်ချက်ဖြစ်တာကြောင့် စိတ်ကြိုက်ရွေးချယ်နိုင်ပါတယ်။ ရွေးချယ်မှုအပေါ် အကောင်းအဆိုးသက်ရောက်မှုကလည်း ရှိနေမှာပါပဲ။

ပုံပြောကြသူများ

ပြောင်းလဲလာတဲ့ နည်းပညာတွေနဲ့အတူ လူတွေရဲ့ အတွေးအခေါ်တွေ ပြောင်းလဲလာပါတယ်။ စီးပွားရေး၊ လူမှုရေး၊ နိုင်ငံရေး နယ်ပယ်အသီးသီးမှာပါ ခေတ်စနစ်နဲ့အညီ တိုးတက်ပြောင်းလဲလာပါတယ်။ ပြောင်းလဲမှုတွေအများကြီးထဲမှာ ပုံပြောခြင်း (Storytelling) လည်း တစ်ခုအပါအဝင်ပါပဲ။ ပုံပြောခြင်းဟာ တနည်းအားဖြင့် မိမိအကြောင်းကို မိမိကိုယ်တိုင် ပြန်ပြောပြတာပါ။ လူမှုကွန်ယက်တွေမှာလည်း မိမိအကြောင်းကို ကိုယ်တိုင်ပြန်ပြောပြကြတာကို တွေ့ရပါလိမ့်မယ်။ ကိုယ့်အကြောင်း၊ ကိုယ်ဖတ်တဲ့စာအုပ်၊ ကိုယ့်ပါတ်ဝန်းကျင်၊ ကိုယ့်သူငယ်ချင်းများ၊ ကိုယ့်အယူအဆ စသဖြင့်ကို ကိုယ်ကိုယ်တိုင်ပြန်ပြောနေကြပါတယ်။ ဒါဟာ ပွင့်လင်းမြင်သာပြီး ကောင်းမွန်တဲ့ အလေ့အကျင့်တစ်ခုပါ။ အတွေ့အကြုံတွေကို မျှဝေခြင်းဟာ ပိုမိုကောင်းမွန်တဲ့ ဖန်တီးမှုတွေအတွက် မရှိမဖြစ်ပါ။ ဒီလို မျှဝေခြင်းကြောင့် အခြားသူတွေအတွက် အရေးပါတဲ့ ဆုံးဖြတ်ချက်တွေအတွက် မှန်ကန်တဲ့ အဖြေတွေကို ဖြစ်ပေါ်စေသလို မျှဝေသူရဲ့ပုံရိပ်ကိုလည်း မြင့်မားစေပါတယ်။ မတူညီတဲ့ နယ်ပယ်အသီးသီးမှာ အောင်မြင်သူတွေဟာ ပုံပြောကောင်းသူ၊ တနည်းအားဖြင့် မိမိလေ့လာတွေ့ရှိမှုတွေ၊ အတွေ့အကြုံတွေကို အခြားသူများလေ့လာနိုင်အောင် ပြန်ပြောပြကြသူတွေ ဖြစ်တာကို တွေ့ရမှာပါ။ ကိုယ့်မှာ အိုင်ဒီယာတစ်ခုရှိရင်လည်း ဒါကို ဖြည့်စွက်အကြံဉာဏ်ပေးနိုင်တဲ့ အခြားသူတွေကို ပြောပြဖို့လိုပါတယ်။ အခြားသူတွေကို ပြောပြရင် သူတို့က ကိုယ့်အိုင်ဒီယာကို အကောင်အထည်ဖော်သွားရင် ကိုယ်နစ်နာတယ်လို့ ပြောကြပါလိမ့်မယ်။ တကယ်တော့ ကိုယ့်အိုင်ဒီယာဟာ ကိုယ်စဉ်းစားထားတဲ့ အိုင်ဒီယာအကြမ်းသာ ဖြစ်ပါတယ်။ အခြားသူတစ်ဦးက ကိုယ့်အိုင်ဒီယာ အကြမ်းကို အသုံးချသွားရင်လည်း နစ်နာသူဟာ သေသပ်မှုမရှိသေးတဲ့ အိုင်ဒီယာကိုသာ အသုံးပြုသွားတာဖြစ်လို့နစ်နာသူဟာ သူတို့ပါပဲ။ ကိုယ်ကသာ ကိုယ့်အယူအဆ၊ အိုင်ဒီယာ၊ အတွေ့အကြုံတွေကို အခြားသူများကို ပြောပြရင်း သူတို့ရဲ့ အကြံဉာဏ်၊ အယူအဆစတာတွေကို သေချာသုံးသပ်ပြီး ကိုယ့်အိုင်ဒီယာမှာ ဖြည့်စွက် တည်းဖြတ်မယ်ဆိုရင် သေသပ်လှပပြီးဆန်းသစ်တဲ့ တီထွင်မှုတွေကို ဖန်တီးနိုင်မှာဖြစ်သလို ကိုယ်ယာ အခြားသူများကို မျှဝေပေးတာကြောင့် အများရဲ့ ယုံကြည်မှုကိုလည်း တည်ဆောက်နိုင်မှာပါ။ မတူညီမှုတွေကို ညှိနှိုင်းအဖြေရှာရင်း အောင်မြင်မှုရဖို့အတွက် ပြန်ပြောပြပေးဖို့အရေးကြီးပါတယ်။

Share on facebook
Share on twitter
Share on linkedin
Share on email