ပင်လယ်ပြာ ဆီသို့ 

Blue Ocean Strategy ဆိုတာ သိပ်ကိုစိတ်ဝင်စားစရာကောင်းတဲ့ Marketing Strategy တစ်ခုပါ။ Blue Ocean ကို မသိခင် Red Ocean ဆိုတာကို အရင်သိဖို့ လိုပါတယ်။

Red Ocean

Red Ocean ဆိုတာဟာ ဈေးကွက်ထဲက လုပ်ငန်းတွေ၊ Industry တွေ အားလုံးကို ပြောတာပါ။ Red Ocean ကို သွေးပင်လယ်လို့လဲ ခေါ်ကြပါတယ်။ ဒီလို Market ထဲမှာဆိုရင် လုပ်ငန်းတွေရဲ့ ပြိုင်ဆိုင်မှုဟာ အားလုံးသိကြတဲ့ အတိုင်းပဲ အင်မတန်ပြင်းထန်လှပါတယ်။ ဒီလို Red Ocean ထဲမှာဆိုရင် လုပ်ငန်းတွေဟာ ရှိပြီးသား ဝယ်လိုအားတွေရဲ့ Market Share ကို ပြိုင်ဘက်တွေထက် ပိုရအောင် အပြင်းအထန် ကြိုးစားကြပါတယ်။

Market Share ထပ်တိုးပြီး ရဖို့မလွယ်တော့တဲ့အခါ အမြတ် နဲ့ အတူ လုပ်ငန်းရဲ့ တိုးတက်မှုနုန်းနဲ့ Product ရဲ့ တိုးတက်မှုနုန်းပါ လိုက်ပြီးကျလာပါတယ်။ Product တွေဟာ အရည်အသွေးကျလာပြီး ပျက်ဆီးဆုံးရှုံးမှုတွေဆီကို ဦးတည်လာပါတော့တယ်။ ဒါတွေဟာ ပြိုင်ဆိုင်မှု ပြင်းထန်ခြင်းကြောင့် ဖြစ်လာတဲ့ အကျိုးဆက်တွေပါ။ ဒါကြောင့်Red Ocean (သို့မဟုတ်) သွေးပင်လယ် လို့ ခေါ်ကြတာပါ။

Blue Ocean

Blue Ocean ဆိုတာက ပြိုင်ဆိုင်မှုကြောင့် မပျက်ဆီးသေးတဲ့ Market Space တွေကို ဆိုလိုတာပါ။ Blue Ocean Strategy မှာဆိုရင် ရှိပြီးသား Demand ကို အပြိုင်လုနေခြင်းထက်စာရင် မရှိသေးတဲ့ Demand ကို ဖန်တီးခြင်းကို ပိုအာရုံစိုက်ပါတယ်။ ဒါဟာ အမြတ်အစွန်းအတွက်သာမက တိုးတက်ဖို့အတွက်ပါ လုံလောက်တဲ့ Strategy တစ်ခုပဲ ဖြစ်ပါတယ်။

ဒီနေရာမှာ ပြိုင်ဆိုင်မှုတွေက နည်းပါးပါတယ်။ တစ်နည်းပြောရရင် Blue Ocean ဆိုတာဟာ ဈေးကွက်ကို ပိုပြီးကျယ်လာအောင်၊ Market Space တွေ ပိုပြီး ထွက်လာအောင် လုပ်တဲ့ Strategy ပဲဖြစ်ပါတယ်။ ဒီ Strategy ဟာ အမြတ်အစွန်းအများကြီး တိုးပွားစေတဲ့အတွက် အရမ်းကိုအစွမ်းထက်တဲ့ Strategy တစ်ခုလို့ ဆိုလို့ ရပါတယ်။

Blue Ocean Strategy ရဲ့ အဓိကပါဝင် ပစ္စည်းကတော့ Value Innovation ပါပဲ။ Value Innovation ဆိုတာက ကိုယ့်ရဲ့ Product ကို ကုန်ကျစရိတ်နည်းနည်းနဲ့ ထူးခြားကွဲပြားအောင်လုပ်ခြင်း(Differentiation)၊ ဝယ်ယူသူ၊ လုပ်ငန်း နဲ့ လုပ်ငန်းရဲ့ ဝန်ထမ်းတွေအတွက်ပါ value များဖန်တီးခြင်း၊ ဈေးကွက်နေရာအသစ်များ ဖန်တီးခြင်းများ ပါဝင်ပါတယ်။

Value Innovation ရဲ့ ရည်ရွယ်ချက်ဟာ ပြိုင်ဆိုင်ဖို့ဆိုတာထက် ကိုယ်ကျက်စားရာ နယ်မြေကို ပြောင်းလဲတာပဲ ဖြစ်ပါတယ်။ ဒီ Strategy ဟာ Market ကို ချဲ့ထွင်ရမှာ ဖြစ်သလို Value အသစ်တွေလည်းယူဆောင်ပေးဖို့ လိုပါတယ်။

ဒီ Blue Ocean Strategy ဟာ အရမ်းကို အရေးကြီးပြီး ပညာသားပါပါတယ်။ မြန်မာပြည်က လုပ်ငန်းတွေ အတွက်လည်း Blue Ocean Strategy က အရမ်းကို အရေးပါပါတယ်။ ရှိပြီးသား Demand ကို အားလုံးဝိုင်းလုနေပြီး လုပ်ငန်းပျက်ဆီးကြောင်းကို ဦးတည်မဲ့အစား Demand အသစ်များ ဖန်တီးခြင်း၊ ဈေးကွက်အသစ်များ ရှာဖွေခြင်း အစရှိတဲ့ Blue Ocean Strategy ကသာ ဖြစ်သင့်ကြောင်း တင်ပြလိုက်ပါတယ်။

Share on facebook
Share on twitter
Share on linkedin
Share on email